محمد بالي… فزيائي مغربي كيصاوب البرودة بلا غاز
محمد بالي، تولد فـ1979 فالمغرب، واليوم واحد من أبرز العلماء المغاربة اللي خدامين فـكندا. هو باحث فـ”المعهد الكوانتيك ” بجامعة شيربروك، ومتخصص فـمجال التبريد المغناطيسي، واحد التقنية جديدة كتوفر البرودة بلا ما نستعملو الغازات اللي كتضر المناخ.

بعد ما داز فـمسار علمي فـفرنسا وسويسرا، جا لكندا باش يكمل أبحاثو، ودار اكتشاف مهم بزاف:
📌 اكتشف تأثير مغناطوكالوري دوراني فمواد معينة، وهاد الشي خلى بالو يخترع طرق جديدة لتبريد الهيليوم والهيدروجين.
فـ2009، كتب مقالة علمية دحض فيها واحدة من أشهر “الاكتشافات” اللي خرجات فـمجلة Nature، وبيّن أن التأثير اللي كانو كيهدرو عليه ماشي حقيقي، وسبّتو هو استعمال خاطئ لقوانين فيزيائية.

طور حتى نظام تبريد مغناطيسي صناعي، كيخلي الثلاجات تستهلك طاقة أقل، ودار شركة فـسويسرا سميتها Clean-Cooling-Systems باش يطوّر هاد التكنولوجيا.

محمد خدا جوائز علمية كبيرة، بحال جائزة الباحث النجم من صندوق البحث العلمي فـكندا، وجائزة البحث والإبداع من جامعة شيربروك.

قصة محمد كتأكد أن العلم والمعقول والبحث الجاد كيوصلو الإنسان للعالمية، وكتبرهن على أن المغرب كيعطي أدمغة تستاهل كل الدعم والافتخار.